Kyntait U Mukul, ba u phah briew ban iakren bad ka HNLC

Shillong, 21 Jymmang:
U Mukul Sangma, ula kyntait ba ula phah birew ba kin iakren bad ki ki nongialam jong ka HNLC bad u kynnoh ba katei ka dei ka jingkren, kaba shu thaw bad ka bym don jingshisha eie ruh em.
Ha katei ka kyrwoh, U Mukul Sangma, u ong ba ka sorkar Jylla, ka ailad ia ki seng kaikhlaw, ba kin mih noh ialade na ka seng ba ki don bad ba kin pyndem wait bad shim bynta ha ka imlang sahlang bad kane ka ailad ia ki dkhot jong kino kino ki seng kaikhlaw ba kynthup ruh ia ka HNLC. La ong shuh shuh ba u myntri rangbah, u shim khia bha halor katei ka jingpynmih khubor bad ula bthah ba dei ban tih bniah halor katei ka jingjia, katba kum ki kyndon ain bad ula ong ruh ba lada uno uno u dkhot jong ka seng sain pyrthei, lada dei ka Congress lane kano kano ka seng sain pyrthei, ki pyrshang ban ia treilang bad ka HNLC, GNLA lane kano kano ka seng beain, kumta ki leh ia kata, da ka mon jongki hi. Ki lad khubor ki la iathuh ruh ba u Dr. Mukul u don mynta ha Belgium.