Kyntait U Lat, ban pyntreikam synshar Administrator ha KHADC

Shillong: Ki lad khubor ki iathuh ba U Lat ka Jylla, U Tathagata Roy, ula kyntait ban pynjari synshar Administrator ha Khasi District Council.

Lyngba ka jing kyntait jong U Lat, ka la thikna ba ka Executive Committee jong U bah Latiplang Kharkongngor, kan lah ban dang trei kam ha ki sngi ban sa wan ha ka Council.

Lah ban pynkynmaw ba hynnin ka sngi, U bah Prestone Tynsong, myntri rangbah ba ar ka sorkar Jylla, ula iathuh ha ka kynhun jong ki MDC, ka seng UDP, ba la ialam da U bah Teinwel Dkhar, ba ka sorkar Jylla, ka la phah ia ka jingai jingmut sha U Lat, ban pyntrei kam ia ka synshar Administrator ha Khasi District Council.