Kyntait u heh Congress, ban wer thaw sorkar ia kiwei ki seng ha ka Jylla

Shillong: U nongialam ka AICC u la kyntait ban khot ia kiwei pat ki MLA jong kiwei ki party ban thaw ia ka sorkar ha Meghalaya.

Haba iakren bad ki lad pathai khubor u Manish Chartrath u la ong “Ngin ym khroh ne khot lang iano iano ruh, na ka liang ka congress party kan ialeh ban pynkhlain ia ka party na ka bynta ka election kaba sah sa tang 2 snem .”

“Nga khlem ong ba ngim kwah eiei hynrei ngi khlem khroh ne khot iano iano ruh bad kan long ka ba eh ba ka party Congress kan leh eiei kum kata” u la ong. Haba kylli halor ba don na kiba don ka jingthmu ban ieh noh ia ka party Congress bad pyniasoh noh ialade ha kiwei ki party u la ong ba baroh ki MLA ki MDC ka party congress ki long kiba iatylli. “Nga khlem iohi ba kan don kum kata ka jingthmu na ki MLA bad ki MDC ka party Congress ba kin jwah ban ieh ia ka party namar baroh ki long ki ba ia tylli” u la kam. u la ong ruh ba ka jing pyniasoh bad ka jingieh ia ka party Congress kan shong ha ka jingkwah jong ki bad ka dei ka rai jong ki, la ki rai ban ieh ne ban neh ha ka party.

“Kum u in-charge jong ka jylla, ka kamram jong nga ka long ban pynthikna ba yn ym don mano mano ruh ki ban thmu ban ieh ia ka party ” u la ong.