Kyntait U bah Tynsong, ba u kwah shuki myntri rangbah ka Jylla

Shillong: U bah Prestone Tynsong, Deputy Chief Minister ka sorkar jylla, u la kynthoh hynnin ka sngi, ba um don jingkwah satia ia ka shuki myntri rangbah ha ka Jylla; hynrei, ula pynsngew ba ka jingthmu jongu, ka long beit ban ioh shakri ia ki paidbah ka Jylla.

Ka la don ka jingiakren ha ki khyndiat sngi ba ladep, ba ki don kiba bun ki MLA jong ka seng Congress, ban aiti ia ka shuki myntri rangbah ha U bah Tynsong, lada u lah ba ialam ia ki MLA jong ka seng NPP ban ia trei lang noh bad ka seng Congress. Hynrei halor katei ka phang, U Bah Tynsong, ula ong “Ym don man mano na ka seng Congress, kiba wan ia kynduh ia nga, hynrei ka kamram jongnga, ka long ban trei ia ka roi ka par jong ka Jylla”.

U Bah Tynsong, ula ong biang “Ym don mano mano ba wan ia kynduh ianga bad kan bha ba phin kylli toi na ki”.