Shillong: La thoh khubor mynta ka sngi, ba U bah Paul Lyngdoh, MDC jong ka Jaiaw, ula kyntait ban iakhun ia ka elekshon Rajya Sabbha, kumba la tyrwa da ka Citizen Forum.
Ka khubor jong ka The Shillong Times, ka iathuh ba kitei ki dkhot jong ka Forum, ki la ia kynduh hynnin ka sngi, ia U bah Paul Lyngdoh ban pynpaw ia ka jingkwah jongki, ba un iakhun ia katei ka elekshon, hynrei U Bah Paul, ula kyntait ia katei ka jingtyrwa bad la sngewthuh ba un sa pyntip ruh ia ka rai jongu, sha ki nongialam jong ka seng UDP, ha kaba U bah Paul, u dei U Working President jong ka seng UDP.
Ka khubor ka thoh ba U bah Paul, u iathuh ba ha ka bor jongu, kum U MDC, u kwah ban dang iai pynlut por ialade, ha katei ka lyngkor kaba mynta.
Ka Citizen Forum, hynnin ka sngi, ka la pynmih khubor ba ka la rai ban pyn iakhun ia U bah Paul, kum u kandidet sha ka Rajya Sabbha.
Phi don ban ong eiei?