Kyntait U bah Jemino ba ia treilang ka UDP bad ka BJP ha ka elekshon Lok Sabbha

U Bah Jemino Mawthoh, kandidet jong ka seng UDP, ula leit thep kyrteng mynta ka sngi, na ka bynta ban iakhun ia ka elekshon Lok Sabbha 2019.

U bah Mawthoh, u dei u kandidet jong ka kynhun synrop ka sorkar Meghalaya Democratic Alliance (MDA). La synran ia U bah Jemino Mawthoh, da U bah Prestone Tynsong, uba dei u nongialam ba rangbah jong ka seng NPP, nangta U Bah Banteidor Lyngdoh, nongialam jong ka seng PDF nalor shibun kiwei pat ki MLA, MDC bad ki nongialam jong kitei ki seng sain pyrthei kiba don ha ka kynhun MDA.

Ha ka jingiakren bad ki kotkhubor, U Bah Jemino Mawthoh, ula pynsngew ba ka UDP, kam don jingiadei eiei bad ka seng BJP, wat la ki don ha ka jingiatreilang ha ka sorkar MDA bad ka seng BJP. “Ka Congress, kam don kyntien eiei ban kren shaphang ka sorkar MDA, kumta ki sei da ka jingiadei bad ka BJP” ong U Bah Mawthoh.

U Bah Jemino Mawthoh, haba jubab halor ka jingkynnoh ka Congress, ba ki paidbah kim dei ban jied ia ki seng trai ri bad halor katei ula pynkynmaw ia ki nongialam kiba kum U bah GG Swell kiba la paw bha kum ki dkhot jong ka Lok Sabbha bad ha kaba ula shah jied ruh kum U Deputy Speaker jong katei ka iing dorbar. U Bah Jemino, u kren sngewkhia ruh halor ka jingiadei bad ka jingkhang dewiong bad u pynsngew ba ka long kaba donkam ban peit kyrkieh ia katei ka mat.