Kyntait u bah George Lyngdoh ban wanphai sha ka Congress

U MLA barim Jong ka Umroi Constituency u bah George B Lyngdoh, ula kyntait ban wan phai biang sha ka Congress party, da kaba kdew ba u kwah ban trei laitluid shwa ha ka kynhun jong ka Umroi Constituency Progressive Forum (UCPF).

   Lah ban kdew hangne ba na ka Liang u bah Vincent H Pala President ka Meghalaya Pradesh Congress committee (MPCC) dang shen lyngba ki ladpathai khubor u la khot biang ia u bah George bad ka kynhun Jong u, ban wan phai noh sha ka Congress.

Haba kren na ka Liang u bah George B Lyngdoh, u la ong ba” ha kine ki khynnait sngi ngi la iohi ia ka jingtyrwa na ka Liang i Ma Vincent H Pala, i President ka MPCC, ia nga bad ia ka Umroi Constituency Progressive Forum ba ngin wan phai noh sha ka party Congress”.
U la bynrap “halor kane ka jingtyrwa, na ka Liang Jong nga bad ka kynhun Jong ka UCPF ngi la shong da ka jingialang hynnin ka sngi “.
U bah George u la ong shuh shuh ba hadien ba la bishar bniah la shim ia ka rai ba ngin ym treh ban pdiang ia kane ka jingtyrwa jong i, halor ka nongrim ba ka sain hima ha Umroi Constituency ka dawa ia ngi Kum ka kynhun ban ieng laitluid hapoh ka shatri Jong ka UCPF.