Kyntait mardor ia ka pakhang ophis ka HNLC, ong ka sorkar

Shillong, 6 Jymmang:
Ka sorkar ka la kyn tu ia ki paidbah bad khamtam ki nongtrei sor kar ba ki dei ban kyntait mardor ia ka pakhang ophis ka HNLC ban dawa pynlait ia ki saw ngut kiba shah kem kynthup u presiden ka HANM u Bah Lamphrang Kharbani halor ka jingkynnoh ba ki donkti bad katei ka seng.
Haba kyrpad ia ki nongtrei sorkar, ban nym shah shkor ia ka jingkhot ka HNLC, ka sorkar ha kane ka sngi Hatmajai ka la pynrem ia ka jingkhot katei ka seng lehnoh bad ka la ong ruh, ba ka la pynbiang ia ki bor iada.
Ka HNLC ka la dawa ban pynlait noh ia u president ka Hynniewtrep A’chik National Movement (HANM) Bah Lamphrang Kharbani bad saw ngut kiwei kiba shah kem ha ki pulit ha Rangthong ha ka 2 tarik Jymmang.
Ka HNLC ka la pynbna ban khot pakhang ophis saw sngi ha ka 8, 9, 12 bad 13 tarik lada ka sorkar kam pynlait noh ia kitei kiba shah kem namar ba la shu pharep khlem nongrim.
“Ka sorkar kan trei borbah ban pynneh ia ka suk ka sain da kano kano ka lad ban pynthikna ba ki nongshong shnong kin ioh ia ka jingsuk bad ki runar kin nym ioh jaka ban pynthut”, la ong ka kyrwoh na ka sorkar.
Ka sorkar ka la kyntu ia ki nongtrei sorkar ban nym shah shkor ia ka jingkhot ka HNLC bad kyntu ia ki paidbah ban mih beit khlem kano kano ka jingtieng.