Kyntait ki Rangbah Shnong ia ka Ordinance

Jowai, 28 Jylliew:
Ka Synjuk ki Rang bah Shnong ha rilum Jaintia ha ka jingialang kaba la long myn ha ka sngi Saitjain ha District Library Auditorium, Myn thong, Jowai ka la shim ia ka rai ban kyntait mardor ia ka Ordinance jong ka sorkar jylla ban ai bor ia ki rangbah shnong ban ai Syrnod (Certificates) bad NOC sha ki nong shong shnong.
Ka SRS JH ka la rai ruh ban nym ai syrnod satia sha ki nongshong tad haduh ba u lat ka jylla un mynjur ia ka Bill kaba la phah da ka JHADC.
Ka jingialang ka la shim ruh ia ka rai ban thoh bad ban pynkynmaw ia u Lat ka jylla ban kyntu ia u ban ai ia ka jingmynjur jong u halor katei ka bill jong ka JHADC.
“Ngim donkam ia ka Ordinance hynrei ngi donkam da ka ain kaba pura na ka bynta ban treikam kum ki Rangbah Shnong”, la ong u ma LD Lakiang uba dei u Vice President bad uba pyniaid ia katei ka jingialang.