Kyntait ki doktor ka AIIMS, ba U Sushant Singh Rajput, u shah pyniap

U Police Commissioner ka Mumbai, U Parambir Singh, u iathuh ba ki pulit ka Mumbai, kim pat ioh satia ia ka kaiphod jong ka AIIMS hospital, halor ka daw jong ka jingiap jong U Sushant Singh Rajput, hynrei ki la shu iohi na ki kotkhubor, hynrei, ula ong ba ka jinglap jong ka AIIMS, ka long hi kumjuh, kumba ki la lap ki pulit ka Mumbai bad katei ka pyni, ba ka jing tohkit ki pulit ka Mumbai, ka long kaba shisha.

“Ka jing tohkit da ki pulit ka Mumbai bad ki doktor ka Cooper Hospital, ka long kaba shisha. Ki la bun ki jingkynnoh pyrshah ia ngi, hynrei ka kaiphod jong ka AIIMS, ka pyni ba ngi la leh ia kaba dei” ong u heh pulit ka Mumbai.

U Dr Sudhir Gupta, uba khlieh ia ka jingtohkit jong ka AIIMS, u iathuh ha ka India Today, ba ka jingiap jong U Sushant, ka dei kaba u pyniap hi ialade bad ka jingshah pyniap, kam don jing ia dei satia.

U Sushant Singh Rajput, ula iap ha ka iing sah jongu ha Bandra, ha ka 14tarik Jylliew 2020.