Shillong,28 Lber:
Ka Tourist Taxi Driver Association, Lad rymbai ka la pynshai ba ki khubor kiba la mih ba ka TTDA ka ai ka jing kyrshan ia u Ma Denis Siangshai ha kane ka elekshon MP ka ban sa long ha ka 9 tarik u iaiong bad ba ka seng ka pyrshah ia ka jingwan ialap elekshon u ma Vincent Pala ki dei ki khubor ki bym shisha, ong u President ka TTDA u ma Happy Rymbai . U President katei ka seng u la pynpaw ba kam shym la don kano kano ka jingialang hapoh ka seng ban shim ia ka rai ban kyrshan ia uno uno u kyrtong, u la pynshai ba ka seng kam lah ban khang ia ka jingwan ialap elekshon jong no jong no, lane ban bein ban kynnoh iano iano, u la ong ruh ba ka lah ban don ka jingkyrshan shimet jong u ia u ma Siangshai hynrei kam dei pat ka rai jong ka seng ne ban pynbor ia kino kino ki para dkhot.U la ong ruh ba ka seng ka shim ba uno uno u kyrtong uba
jop ha kane ka elekshon MP un dei hi u nongmihkhmat jong ka seng bad ruh u ban shakri na ka bynta ka ri bad ka jait bynriew hi baroh kawei. Kumta u buh ka jingkyntu ia baroh ki para dkhot ba kim dei ban sngewthuh bakla ia ka jingmih khubor hynnin ka sngi, namar ba kam dei satia ka khubor kaba la pyllait da ma u.
Phi don ban ong eiei?