Kyntait ka Supreme Court ia ka jingujor ka KHADC rHalor ka iktiar ki Rangbah Shnong

Shillong, 1 Iaiong:
Ka jingbishar ka Meghalaya High Court ka la pynmih ia ka rai ha ka 10 tarik u nohprah, 2014 kaba ia dei bad ka kam ki Rangbah shnong bad halor katei ka rai jong ka High Court la ioh jingtip ba ha kine ki khyndiat sngi ka KHADC ka la leit ban ujor sha ka Supreme Court ban weng noh ia katei ka rai.
Haba ia kren bad ka EM kaba bat ia ki tnad ain hapoh District Council ka kong Rona Khym deit ka la kubur ba ka KHADC ka la ujor sha ka Supreme Court halor katei ka rai jong ka High Court, hynrei kam shym la iathuh, kaei ka jubab na ka Supreme Court bad ka la ong ba ia katei ka kam, ban ia kren bad u Secretary jong ka KHADC. Hynrei kiwei pat ki lad khubor ki la iathuh ba ka Supreme Court ka la kyntait ia katei ka jingujor ka KHADC bad ka la pynphai biang ia katei ka kam sha ka High Court.
Lah ban kdew ba hadien ba la mih katei ka rai na ka high Court kaba la sloit noh ia ka bor ka iktiar ki Rangbah Shnong katei ka mat ka la kylla long ka mat kaba khluit bha ha kine ki khyndiat sngi ba la dep, haduh ba u CEM ka KHADC ruh u bah Adelbert Nongrum u la shah khot hajir ha ka High Court, namar ka jingpynmih jong u ia ki kyntien kiba long pyrshah ia u nongbishar u SR Sen bad la iohi ba ha kine ki khyndiat sngi ki la mih bun ki jingdiaw mynsiem na ki synjuk ki Rangbah shnong bapher bapher halor katei ka rai jong ka High Court.