Kyntait ka Supreme Court, halor ka mukotduma, kaba pyrshah ia ki mashin EVM

New Delhi:Ka ïingbishar jong ka Supreme Court ha ka sngi thohdieng ka la pynkut noh ia ka mukotduma, ba dawa ba dei ban pyndonkam shi spah persen ia ki voter veriferiable paper audit trai(VVPAT) slip ban thep vote ha ki EVM kum shibynta ka jing bthah jong ka tnad elekshon ban pynkhlaiñ ia ka jing pyndonkam ia ki EVM.

“Ngi la dep ban pynshai bad iamir jingmut bniah ban bud ia kyndon ha kaba ngi la kyntait ruh ia baroh ki jingujor” la iathuh u justice Dipankar Datta.

Ka bench kaba la dep ban khot ia ki heh ophisar jong ka tnad elekshon ha u ïaiong 24 tarik ban pynshai ia ka jingtreikam jong ki kor EVMs bad VVPAT, hynriew sngi hadien ba ki la dep ban bthah ban pynkhlaiñ ia ka jingtreikam jong ki EVM.
Kawei na ki jingbthah ka long ba hadien ba la dep nion ia ki shap, ha ki EVM hadien jong ka 1 tarik Lber 2024,ka shap dei ban pyndait bha, ha kaba ki kyrtong ki dei ban soi ha kitei ki seal.
Ka seal ka dei ban don ia ki SLUs dei ban buh ha ki kamra ba kyrpang ha ryngkat ki EVM na bynta 45 sngi shwa ban pynbna ia ka resol, ki hap ban peit bniah katkum ka jjinglong jong ka EVMs.

Ka burnt memory kaba dei ka jingiaid ba 5 persen ha ka EVMs, kaba dei ka control unit,ballot unit bad ki VVPAT katkum ki assembly constituency bad ki Parliamentary constituency dei ban peit bniah bad pyntikna da ka kynhun jong ki Enjiniar ba pynmih ia katei ka EVMs shwa ban pynbna ia ka resol ioh ka don ka jingthut ha ka jingkyrpad jong ki kyrtong kiba don ha ki number ba hadien kum u number 2 bad 3.
Kum kitei ki kyrtong ne ki nongmihkhmat ki dei ban pynithuh ia ki EVMs da ki polling station ha ryngkat ki serial number, ha kaba ki kyrtong ryngkat ki nongmihkhmat ki dei ban don lang ha katei ka por, kum kane ka jingkyrpad ki dei ban leh hapoh hynñiew sngi hadien ba la pynbna ia ka resol.

Ki District Election Officer ha ryngkat ka jingiamir jingmut bad ka kynhun jong ki Enjiniar ki dei ban wad jingtip bniah ia ki ne ki jingpyniaid bad hadien ba la dep tip ia baroh ki jinglut hap ban siew hap ban phah da ka ECI sha ki kyrtong kiba buh ia ka jing kyrpad bad ka pisa ba ki la dep ban siew yn sa siew biang noh lada lap ba ka don ka jingpynduh ia ka EVMs.