Kyntait ka Supreme Court ban pynsangeh ia ka eksamin jong ka JEE, NEET

Ka Supreme Court mynta ka sngi, ka la rai ba ka Joint Entrance Exam (JEE) bad ka National Eligibility cum Entrance Test (NEET), kan iaid beit kumba la pynbna kham mynshwa.

Ka rai jong ka kashari, ka mih hadien ba ki nong bishar ba lai ngut, ki shong bishar, halor ka jing dawa jong ki myntri jong ki hynriew tylli ki Jylla, ba dei ban pynsangeh shwa ia katei ka hukum, ban pynlong ia kitei ki eksamih ha U Nailur 2020.

Ka eksamin jong ka JEE, ka la iaid shakhmat, na bynta ki 8 lak ngut ki samla pule, naduh ka 1tarik Nailur 2020, katba ka National Eligibility cum Entrance Test Undergraduate, lane ka NEET 2020, kan long ha ka 13tarik Nailur 2020.