Kyntait ka sorkar India, ia ka lama bad ka riti synshar ba kyrpang ia ka Nagaland

Ka sorkar India, ka kyntait ia ka lama kaba kyrpang bad ka riti synshar kaba kyrpang na bynta ka Nagaland, kumba la dawa da ka NSCN-IM bad la ong shuh shuh ba ka jingiakren iasuk bad ka NSCN-IM ha ka syrngiew jong ki ktang suloi, ka long ka bym lah satia ba pdiang.

U nongkren jong ka sorkar India, uba dei ruh U Lat ka Nagaland, u pynpaw ba ka sorkar India, ka kwah ban pynkut noh kloi, ia kane ka jing ia kynad kaba la neh da ki phew phew snem hapdeng ka sorkar India bad ka kynhun NSCN (IM).
U Ravi, u ong ba ki mat jingiakren kiba dei ban poi sha ka rai kaba skhem, ki la biang lut nadong shadong, na ka bynta ban ia soi noh hapdeng baroh ki kynhun.
“Hynrei ha kaba kum kane ka por, ka NSCN-IM, ka pyrshang da ki lad ki lynti jongka ban nang pyndier por ia kane soskular, da kaba ki rah ia ka mat jong ka lama ba kyrpang ia ka Nagaland bad kumjuh ia ka riti synshar ri, wat haba ki la tip shai ia ka jingthmu jong ka sorkar India” ong ka kyrwoh na U Ravi.
Lah ban pynkynmaw ba ka sorkar India, ha ka jingialam jong U Narendra Modi, ki kren shai ba ki shim ba ka dei ban don tang kawei ka lama bad kawei ka riti synshar, ha baroh kawei ka Ri India.
Ka jing ia soi halor ka jingsdang ka jingiakren, la ia soi ha ka 3tarik Nailar 2015, da U General Secretary, ka NSCN-IM, U Thuingaleng Muivah bad u nongmihkhmat ka sorkar India, U Ravi ha ka jing sakhi jong U Narendra Modi, myntri rangbahduh.