Kyntait ka MeECL, ban kynthoh “ba bthei” u transformer

Shillong, 7 Risaw:
Ka MeCEL kam shym la shah shkor ia ka jingthoh jong ki bor pyniaid ka Ganesh Das Hospital ban kynriah noh ia u transformer uba don ha syndah ka hospital, sha kham pajih.
Ki la phah bujli noh da uwei pat bad ia kane, la phah la kham slem da ka bor pyniaid na Ganesh Das Hospital sha ki bor ka MeCEL.
U Medical Superintendent ka Ganesh Das Hospital, u Dr Tyngshain Wahlang u la ong ba ha ka jingshisha u la dep phah jingthoh sha ka MeCEL ban kynriah noh ia utei u transformer hyn rei imat ha ka kam ophis ka shim por ba kin leh.
“Nga la thoh ban kynriah noh sha kham pajih na ka hospital ia u transformer”, la ong u Dr Wahlang.
Hynnin ka kamra kha jong katei ka hospital ka la kem ding hadien ba u Transformer uba don hajan katei ka hospital u la bthei kynsan haduh ba la julor jur hynrei donbok bym don kano kano ka jingduh ki mynsiem.
Ha kawei ka liang, na ka liang ka MeCEL ka la kyntait ban ong eiei halor kane ka jingjia da kaba kam ba ki bor bahalor kim shah ban kren sha ki lad pathai khubor.
Ka kamra kha khyllung ka la ing khong khait ha kane ka jingjia hynrei donbok ba ki nongpang ki la lait thaw na ka jingjia ba sngewsih hadien ba ki bor hospital ki la pynkynriah wut wut sha jaka ba lait na ka jingma.