Kyntait ka Kashari ban tuklar ia ka MPDA, U Chairman ka GNLA

Shillong, 13 Jylliew:
Ka Kashari High Court ka Meghalaya ha kane ka sngi Palei ka la kyntait ban tuklar ia ka hukum ba la pynmih da ka sorkar ban set ia u chairman ka GNLA u Champion R Sangma ha ka ruh Meghalaya Prevention Detention Act (MPDA). Ia kane ka hukum la pynmih da ka bor synshar jong ka East Garo hills district.
“U nongbishar SR Sen mynta ka sngi ula pynmih ia ka hukum da kaba ong ba ka kashari ka la pynmih ia ka hukum ba kan ym tuklar ia ka jingpynngat da ka ain MPDA ia u Chairman ka GNLA” la ong ka thym mei khubor.
Ka hukum ka la ong ba ia kane ka mukotduma la dei ban pynlait noh namar bay m don nongai jingthoh sha u district magistrate, la ong ka thymmei khubor.
Hynrei, ka hukum ha kane ka sngi Palei ka wan kum ka jingkyndit ia u heh ka GNLA namar ba ka la kyntait ia ka jingkyrpad ban pynlait na ka jingset ha ka MPDA.
Ki bor synshar ka West Garo district na Tura ka la pynmih ia ka hukum ban set ia u Champion ha ka 30 tarik Kyllalyngkot, 2013 da kaba ong ba u Champion un pynlait da ka jamin lada um shah set ha ka kyndon MPDA.
Hynrei ha kajuh ka por, na la liang u nongiasaid jong ka GNLA, lah ban ujor sha ka Kashari ba kham shalor ban pyrshah ia ka rai ba la pynmih na u nongbishar SR SEN.
U Champion u la sah ponding ki mukotduma ba la ujor pyrshah ia u ha Pynursla Police Station ha East Khasi hills district.
La pynngat mukotduma ia u Champion ha Pynursla ha ka kyndon Unlawful Prevention Act.