Shillong: Ka HNLC, ka kyntait mynta ka sngi, halor ka jingmih khubor, ba ka dawa pisa T.13klur na ka karkhana Coke ha Shallang bad ka HNLC, ka ong ba ka lyngngoh ba kan dawa pisa T.13klur, haba katei ka karkhana, ka dei kaba shongdor tang da ki khyndiat lak tyngka.
Ka HNLC, ka dawa ia ki pulit, ba kin pyni paidbah ia ka shithi dawa pisa jong katei ka seng bad la ong ba ka seng, kam ju dawa pisa, khlem ka letter head kaba biang bad kaba la soi ruh da U Finance Secretary jong katei ka seng.
Ki pulit ki thmu ban pynkylla ia ka mat jingiakren, namar ba katei ka dei ka jingtrei benami, da kaba pyni ia ka jing dawa pisa jong ka HNLC bad la ong ruh ba ka sim card, kaba la pyni, ka dei hi kaba la ai da ki pulit. La ong shuh shuh ba U Dharmu, u dei uwei na kiba ka HNLC, ka la buddien bha la slem, namar ba u dei uba trei kam bha ha ka thain Shallang, da ka jing iarap jong U MLA jong ka thain, U Bah Gigur Myrthong. La ong shuh shuh, ba lada ka karkhana, ka dei ka jong U Bah Robert Sohbar, kumta kumno ba U Dharambir Bansal, un ujor da ma u sha ki pulit bad kaei ka jing iadei jongu bad U Robert Sohbar, ong ka kyrwoh na U bah Sainkupar Nongtraw, Publicity Secretary bad General Secretary ka HNLC.
La ong shuh shuh ba mynta ka seng, ka la rai ban shim ia ka jingim jong U Dharambir Bansal, namar ki kam beain jongu ha Shallang bad kane ka rai, kan trei kam ruh ia kiwei de ki nongkhaii bar Jylla, kiba trei lang bad ki trai shnong ha katei ka thain. La ong ruh ba katei ka seng, ka biang ka pisa tyngka jongka, namar ba ka don ia ki nongsynniang kiba ju iarap ia ka seng.
Phi don ban ong eiei?