Kyntait ka Debora, ba iapher jingmut ha ka Congress

Shillong, 16 Naitung:
Ka Myntri social welfare kaba dei ruh ka Working president ka Meghalaya Pradesh Congress Committee (MPCC) ka Debora Marak ka la kyntait ba ka don ka jingiapher jingmut hapoh ka sem ka Congress. Ka la kam ba ka party ka iatylli mlon bad kam shym la don kano kano ka jingiapher jingmut ha ka jylla.
Hynrei ka khubor ba la iohlum, la iathuh ba ka la don ka jingiakhih napoh napoh ban pynkylla nongialam ia u Dr Mukul Sangma uba bar ia ka shuki Myntri Rangbah khamtam ba um shym la leh eiei ban shim khia ban pynshitom ia ki MLA bym kyrshan ia u kyrtong MP ka party ha kane ka elekshon. Ka Debora ka la kyntait da kaba ong ba ym donkam ban khot jingialang Congress Legislature Party man ka por bad ia ki kam barit baria la pynbeit ha ka party khlem da donkam ia ka CLP. Ka la ong ba kam shym la don kano kano ka jingiakhih ban pynkylla nongialam ha ka party, watla ka kubur ba ka lah ban don namar ba ha ka party kaba heh ka don beit hynrei lah ban pynbeit da kaba suk.