Kyntait ai jamin ka High Court ia u pulit Islam

Shillong, 24 Risaw:
Ka iing Kashari ka la kyntait ban ai jamin ia u Sub Inspector u Nurul Islam, uba phet rieh. Ka High Court ka la kyntait ban ai jamin ha kane ka sngi Palei uba shah kynnoh ban leh beijot ia ar ngut ki kynthei ha Ampati.
Haba pynthikna ia kane, u nongbishar ka High Court u SR Sen u la kyntait ia ka jamin da kaba pynshong nongrim ia ka rai ka Supreme Court ba ym lah ban ai jamin ia uba phet rieh katkum ka Section 82 jong ka CrPC.
U Islam u la shah kynnoh bal eh beijot ia kawei ka khynnah ba 14 snem ha Ampati police station ha ka 13 tark Lber mynta u snem bad hadien u la leh beijot sa ia ka hymmen jongka ha iing.
Watla u Islam u la shah rah ha ka 1 tarik Jylliew hynrei u la lait phet na kti jong ki pulit ha Tura.
Lah ban kdew ba ka tnad Home Department ka la thung ia ka jingtohkit pyrshah ia u Nurul Islam bad ka la weng kam ruh ia u.
Ka kynhun jong ki riew said ain na Guwahati kiba iasaid ia u Nurul Islam ki la wan ban iasaid hakhmat ka Kashari da kaba pan jamin na ka Kashari shwa ka Durga puja hynrei ka Kashari ka la kyntait.