Kynriah Reality Show ha Jaintia

Shillong: Ka Seng All Jaintia Dancers Association lyngba ka kyrwoh ba la phah da u President jong ka, u Samla K. Rymbai, ka pynbna ban pynkynriah ia ka Dance Reality Show ba heh duh hapoh Jaintia. Ka daw ba ka seng ka la rai ban pynkynriah tarik ia kane ka show namar ba bun ki khynnah bad ki kmie ki kpa ki shem jingeh ban phah da ki video na ka bynta ka Audition bad ruh bun kiba kwah ban leh beit da ka Audition kaba mut ban pyni beit markhmat ia ki jingshad hakhmat ki nongbishar bad na ka liang ka seng hadien ka jingialang ba kyrkieh mynta ka sngi, da kawei ka jingmut ka la rai ban shim beit da ka Audition ha ka 13tarik Iaiong 2019 ha ka por 10baje mynstep ha District Librabry Mynthong Jowai bad ruh ka seng ka pyntip shuh shuh ia ki khynnah ba wan Audition ki dei ban wanrah lang bad ka syrnot sngi kha (Xerox Copy) ban pyntikna ia ka tarik kha jong ki bad ia ki phom pat ka seng kan ai ha kato hi ka sngi Audition. Shuh shuh ka seng ka pyntip ia kito kiba la dep phah video ruh ba ki dei ban wan lang ha kata ka sngi na ka bynta ka Audition. Ia ka Semi Final ka Seng kan pynlong ha ka 20tarik Iaong 2019 ha ka juh hi ka jaka.