Kynriah por ka Batesi

Shillong, 17 Naiwieng:
Ka Batesi TV ka la pyntip ba ha kine ki khyndiat bnai ka ju pyni lyngba ka digital Set Top Box hynrei mynta la pynkynriah noh sha ka Analog na ka English Channel ha ka por 7:30 janmiet ha kine ki cable Network ba kynthup ïa u JJ’s Cable Network, Pearl’s Cable Network bad Amar Cable Network. Na ka Lelangki Cable Network pat ka por pyni ïa ka Batesi TV ka dei ha ka por 8:15 janmiet. Ha ka Batesi TV ki paidbah ki lah ban ïohi ïa ki khubor ba man la ka sngi, bad ka prokram ki sur jingrwai ba la ai kyrteng ka Marynthing ha ka sngi u Blei bad ha man la ka sngi nyngkong jong ka taïew.