Kynriah kam ia 9 ngut ki nongbishar

Shillong, 8 Jymmang:
Khyndai ngut ki nongbishar ki la shah pynkynriah noh hadien  ba la ioh jingthoh na ka registrar general ka Meg halaya high court.
U district and sessions judge ka East Garo hills district u W. Dieng doh la pynkynriah sha u district and sessions judge ka West Garo hills district, katba ia ka district and sessions judge ba mynta ka East Khasi hills district ka AM Ripnar la pynkynriah sha district and sessions judge ka East Garo hills bad ia u District and sessions judge ka West Garo hills u E Kharumnuid, la pynkynriah sha district and sessions judge ka West Jaintia hills district ha ka jaka jong u bah B Mawrie uba la shimti noh  kum u district and sessions judge ka East Khasi hills district.
Ia u FS Sangma u chief judicial magistrate ka East Garo hills district la pynkynriah noh kum u chief judicial magistrate ka West Khasi hills district ha ka jaka jong u B Joshi uba dei mynta u chief judicial magistrate ka Ri-Bhoi district. Ha kajuh ka por, ia u B Khriam u chief judicial magistrate ka Ri-Bhoi district la pynkynriah kum u chief judicial magistrate ka East Garo Hills district. Katba ia ka R Rymbai  ka judge jong ka Special court ba la thaw da sorkar jylla ban khmih ia ka mutkotduma ha kaba iadei bad ka ILP bad kaba dei ka judicial magistrate first class ka East Khasi Hills district la pynkynriah noh ia ka sha ka judicial magistrate first class ka East Garo Hills district. Ka judicial magistrate first class ka Sohra civil sub division ka kong  La Ikynti Kharshiing  mynta ka dei ka judicial magistrate first class ka East Khasi Hills district.