Kynriah iew Umsning na ka thep vote bad Good Friday

Nongpoh: Ka ophis jong ka Umsning Town Durbar, ka la pyntip paidbah ba ka la hap ban pynkylla noh ia ka Iew Umsning bad kata ka long ba ia ka sngi Iew kaba la dei ban long ha ka 11 tarik u Iaiong la pyn randien noh sha ka 10 Tarik u Iaiong, katba ka sngi Iew kaba bud kaba dei ban long ha ka 19 tarik, la rai ban pynrandien noh sha ka 18 tarik u Iaiong.
Ka kyrwoh kaba la phah da u Bah ESS Thabah, Office Secretary ka Umsning Town Durbar, la ong ba ka daw kaba la pynlong ia ki nongpyniaid ka UTD ban pynrandien noh ka Iew Umsning, namar ka 11 Tarik u Iaiong ka dei ka sngi Thep Vote, katba ka 19 Tarik u Iaiong ka dei ka sngi Good Friday.
Kumta la kyrpad ia baroh ki nongshong Iew, kiba wan na ki thain bapher bapher ki dei ban shim ia kane kum ka jingpynbna kaba donkam