Shillong: U Nuruzzaman Sheikh u la ujor sha ki pulit ba ka khun jong u ka Sabina Yesmin ka la iathoh shongkurim bad u Zolbahar Sheikh ha ka 20 tarik u nailar, 2017. Hynrei tang katto katne por hadien ka jingiathoh shongkurim u Zolbahar Sheikh bad kiba haing hasem jong u kiba la tip kyrteng kum u Abdur Shobur Sheikh, ka Anowara Bibi, Aynal Hoque Azbahar Sheikh, Akkas Ali, Abbas Ali, Amir Hussain bad ka Sorifa Bibi ki la pynshitom beiñ ia ka khun jong u bad ki la dawa pisa na u. Hynrei ha ka 16 tarik mynta u bnai u la kynnoh ba ki la pyniap ia ka bad pynsdien phasi ia ka metiap jong ka.