Kynnoh u bah Sanbor ba ialam bakla U bah Ardent ia u paidbah

Shillong, 7 Nailar:
U bah Sanbor Shul lai MLA/MDC ka Shil long South konstitwensi u la kynnoh ba u ba Ardent M Basaiawmoit u la ialam bakla ia u paidbah da kaba pynkylla noh ia ka nong rim kaba u ieng bad pyn paw ha ka jingialang paidbah kaba la long ha madan Malki. U bah Sanbor u la ong ba ki paidbah ki la tuid sha ka jingialang bad kim salia ban ia khih, wat la ki hap ban shah bom lathi ha ki pulit ruh naba ki kwah ba ka jingdawa u bah Ardent kan urlong, kata ban dawa na ka sorkar ba ka dei ban weng noh ia ka jingpyn bna jong ka tnad MUDA ha kaba iadei bad ka ain shna iing kaba ka la kyntur hapoh ki shnong bad ki jaka kiba hap hapoh ka jingpeit ka District Council.
Hynrei u bah San bor u la ong ba ka nongrim ba u bah Ardent u ieng ka la kylla noh tang mar ia rung ha kamra ki myntri sorkar. Kaba u bah Sanbor u la kynnoh ba kam dei pleng ka jingdawa ban weng noh ia ka jingkyntur pud ka MUDA pynban u la ailad ia ka MUDA ban kyntur pud hapoh ki jaka ka District Council kiba don shabar ka Municipal, “U bah Ardent u dei uei? Mano ba ai bor ia u ban ailad ia ka MUDA ban pyntreikam ia ka Building Bye Laws jong ka da kaba kyntur pud ha ki jaka ba don shabar ka Municipal? Nga kwah ban ong ba ka MUDA ka lah ban pyntreikam tang hapoh European Area katkum ka ain” ong u bah Sanbor.
Utei u nongmihkhmat ka Laban u la ong ruh ba u la ong ba ka jingkylla ktien u bah Ardent ka la pynlyngngoh ia uba bun balang, “Ka nongrim kaba nga ieng ka long kaba shai ba ngam salia lada ka MUDA kan pyntreikam ia ka building Bye Laws jong ka ruh hynrei kam dei pat ban kyntur pud sha ki jaka ba hap ha ka Schedule Area” ong biang u bah Sanbor. “Nga kwah ban pynkynmaw ia u bah Ardent ba ka ain ka kren shai ba lada khlem ka mon ka district council ka MUDA kam lah ban pyniar ia u pud u sam jong ka sha ki Schedule Area, nga kyntu ia u ba un peit ia ka jingbha ki paidbah bad ym dei ban mynjur ia kum kitei kiei kiei kiba ka ain kam shah” pynkut u bah Sanbor Shullai.