U nongialam ka BJP Meghalaya u Bernard R Marak ula kyntait war ia ka jingkam u myntri rangbah ba ka thut ka jingpyllait ia ki skhim sorkar pdeng na ka jingbym pyllait pisa thista ka sorkar pdeng.
Haba kren mynta ka sngi, u Bernard ula ong ba ka jingkynnoh u myntri rangbah ka jylla kam long kaba shisha namar ba ka sorkar pdeng ka pyllait tista ia ka pisa ha ki nongioh bynta lada ka sorkar jylla ka pynbiang ia ki kyrteng, ka thep ia ka 10 percent bad ka sorkar jylla ka pyndonkam hok ia ka pisa jong ka sorkar pdeng.
U la ong ba ki skhim ba la mang ka sorkar India ia ki nongioh bynta hap ban bei na ka sorkar jylla tang 10 percent na ka 100 hynrei lada ka sorkar jylla kam pynbiang ia ki kyndon, ka jingeh ka long ia ki briew kiba ioh jingmyntoi namar ba kin sa shah ktah.
Phi don ban ong eiei?