Shillong 21 K’Lyngkot: Ka seng jong ki nongdie Madan ka ba tip kum ka Meghalaya & Greater Shillong Progressive Hawkers and Street Vendors Association ha ka sngi baar ka 21 tarik U Kyllalyngkot 2025, ka la leit ban buh da ka jingthoh sha u Chairperson ka Professional Town Vending Committee, halor ka jingbym pdiang ia ka jingthmu ban pynkynriah ia ki ba shongdie madan sha Muda Parking.
Ha ka jingiakren bad kilad pathai khubor ka kong Biolin Pyrtuh ka ba dei ka president jong ki nongshong die madan ka la ong, ba naduh mynshwa la tyrwa ia ki, ban kynriah sha Parking Muda hynrei kim pat pdiang haduh mynta.
Ka la ong ruh, ba ki la leit ban iakynduh ia u urban minister ha kapor ba ki shna ia katei ka parking ban pynkynriah ia ki nongshong die madan ban pynpaw ba kim pdiang, ha ka ba nakaliang u urban minister ula ong, ba kin sa peit noh ka ja ka ba kham biang bad ban khot jingialang ia ki nongialam ki nongshong die madan ban iarailang, hynrei iakata ym pat leh, katba ka jingthoh ka la wan na ka sorkar ban phah sign, khnang ban pynkynriah noh ia ki sha parking Muda. Kumta nakaliang ki nongshong die madan kim pdiang ia kane.
Haba kylli pat kaei kadaw ka ba pynlong ia ki ban ym pdiang ban kynriah jaka sha Muda, ka kong Biolin ka la bynrap da ka ba ong, ba namar kim shai bha ia kane ka rukom thmu pynkynriah ka sorkar namar ka jingleh jongki kalong ban shu pynbudnam ia ka seng. Kaei ka sienjam ka ba ka sorkar ka leh nakabynta ka ba bha ngin pdiang tyngba kane ka jingleh jongki ban pynkynriah jaka sha parking muda da lei lei ruh ngim hun namar ka jaka kalong sha Traiduh, la ong ka kong Biolin.
Shuh shuh ka kong Biolin ka la kynnoh, ba dei ka jingleh tuh, bamsap ia ka hok jong u baduk namar kapaw shai, ba la jylla jong ngi kalong ka barit, kumta ki kwah ba ka jylla kan dangrit shuh shuh, kan nangduk, bad kim kwah ba ka jylla kan kiew bad wat bad ka seng ruh, ka sorkar kam kwah ban iatreilang, hynrei kaleh beit katba ka kwah ban nion ia u duk u suk.
Kumta ka nakaliang ki nongshong die madan kila dawa ba 2 sngi kidei ban khot noh ka jingialang halor ka jingbymsngewhun jongki, bad ban dawa wengnoh ia ki notifications ba la pynmih da ka Town Vending Committee bad ki la ong, ba baroh kikam ki ba la leh da kane ka body kidei ban wengnoh namar kalong beaiñ, nalor kata ki la ong, ba lada jia ba kim leh eiei kin sa pynlong da ki jingiakhih syndon.
Phi don ban ong eiei?