Kynnoh ka West Bengal, ba ka sorkar India, ka la pynduh noh ia ka Bank Account jong ka Mother Teresa Missionaries of Charity

Kolkata: Ka Mamata Banerjee, myntri rangbah ka West Bengal, mynta ka sngi, ka kynnoh ba ka sorkar India, ka la khang noh ia ka bank account jong ka Mother Teresa’s Missionaries of Charity. Ha kawei pat ka liang, ka nong aiktien jong katei ka centre, ka iathuh ba kam tip satia ia katei ka jingjia haduh mynta bad ki kam ki jam, ki iaid beit iaid ryntih.

“Ym shym la pyntip satia, da ka sorkar India bad ngam tip satia ia kane ka jingjia. Ka sorkar India, kam shym la iathuh satia haduh mynta bad ka pisa ha Bank, ka iaid kumba ju long hi” ong ka Sunita Kumar, kaba dei ka nongkren jong ka Missionaries of Charity.

Na ka liang ka Mamata, ka kam, ba ia ka Bank Account jong ka Missionaries of Charity, la pynduh noh bad kane ka la buh ia ka jingeh kaba khraw ia ki 22 hajar ngut ki nongpang bad ki nongtrei, kiba shong khlem bam khlem dih bad khlem dawai, ka la ong shuh shuh.