Kynnoh ka long kmie ba thang u Sordar ia ka ing

Shillong: Kawei ka longkmie ka ba tip kyrteng kum ka Aibullin Mylliem kaba shong ba sah ha ka Shnong Kut, kaba hap ha Mawryngkneng ka la kynnoh  pyrshah ia u Sordar shnong u  ba kyrteng u Chesterwell Sohtun  lem bad ar ngut ki paralok jong u, u Pynshailang  Lawai bad u Shran Sohtun ki  la thang ia ka ing jong ka. kat kum ka jing iathuh kane ka longkmie ka ong “U sordar chesterwell sohtun ryngkat bad ki paralok  jong u ki bakyrteng  u Pynshailang Lawai bad U Shran sohtun ki ba shong ba sah ha katei ka shnong, ki la leit sha ka iing sah jongka, ha ka 6tarik Iaiong 2019 ha ka por 6:00baje janmiet, da ka jing thmu ba sniew  bad namar ba ka don marwei ka la sheptieng bad ka la phet noh na ing lajong bad leit sha ing kmie, ka kong Elphrida Mylliem kaba sah ha ka juh ka shnong, hynrei la iathuh ba ha ha ka por 10 baje mynmiet, uwei na ki para marjan, ula wan mareh sha ing ka kmie jong ka bad iathuh ba la don ba thang ia ka ing.
Ha ka 7tarik, katei ka longkmie, ka la leit sha ing bad ki la lap ba baroh kaba don ha ing ki la ingkhong lut bad la kylla dpei lut.