Kynnoh ka KSU ba trei torti u para u MLA ia ka Surok Mynska

Jowai, 6 Nailur:
Ka KSU Laskein Circle ka la kynnoh ba u Contractor PWD uba dei ruh u para jong u MLA ka thain Shangpung uba la tip kyrteng kum u ma Hillarius Ymbon u la trei torti haduh katta katta ia ka surok PWD ha ka shnong Mynska.
“Kane ka jingtrei torti u tei u Contractor ka la pynsepei ia ka pisa paidbah ha kaba u MLA bad Contractor ki la ioh jingmyntoi katba u paidbah paid u la ud u lynniar na kadaw ka jingsniew palat kane ka surok kaba dang shu dep pyntrei”, la ong u samla Paul Lyngdoh Education Secretary ka KSU Laskein Circle,
Utei u nongialam ka KSU u la iathuh ba ka tnad PWD ka la pyllut haduh 6 klur ban pynbha ia kane ka surok, ka 6 klur la dep ban kamai da u Contractor hynrei ka surok ka sniew bun shah. “Ngi pynrem jur ia utei u COntractor PWD uba hun ban trei tangdep rukom tang ban myntoi ka shimet khlem da pyrkhar ia ka jingeh ki paidbah. Ngi pynrem jur ruh ia u MLA ka thain u ma Comming Ymbon uba leh matlah halor katei ka jingtrei”, la pynpaw ki nongialam ka KSU.
“Wat leh meng ko Hilarius? Hato phi sngewkhraw ba u hynmen jong phi udei u MLA ka 3 -Raliang constituency U Ma Coming one Ymbon? Ai jing pynshai ba balei ba shu shna tang dep ia katei ka surok?”, la dawa ka KSU
Kane ka long katkum ka  kyrwoh na u General Secretary ka KSU  Laskein circle u samla Leningrad Tariang.