Kynnoh ka kong Aitilang, ba bun ka jingbamsap na ki skim bapher bapher ha ka shnong Mawngap rim

Shillong: Ki kynhun jong ka nongshongshnong ka shnong Mawngap rim hapoh ka jingia lam jong ka kong Aitilang Kurbah ki la wan ban pynpaw ia ka jingbun ki jingbam sap ia ki skim bapher bapher ki ba pyntrei ha ka shnong Mawngap Rim ha kaba ki kam kiba ki pyntrei ha shnong ki la shu sah kumto khlem da pyndep shuh haduh mynta bad ki la mih ruh ki huri hura hadien ba ki ioh ia ka RTI .

Haba ia kren bad ki nongpathai khubor, na ka liang ka kong Aitilang Kurbah ka ba long ka nongkitkam barim jong ka VEC jong ka shnong Mawngap Rim ka la iathuh ba shibun ki skim NREGA hapoh ka Block Mawphlang ki ba ki la pyntrei da u rangbah shnong ka shnong Mawngap Rim u bah Ratify Kharbudon hynrei ka jingpyntrei ia kine ki skim ka ladon ka jingbam sap ka ba shyrkhei ha ka ba ka la lap lyngba ka RTI.

Ka la iathuh ba kawei na ka jing pyndonkam bakla ia ka pisa ba ioh lyngba ki skim ka long ia ka surok CC.Road na PWD road sha Lum A dong Mawngaprim ka ba ki khlem pat lah ban pyndep haduh mynta bad ka ba lamang pisa haduh 9 lak 4 hajar 10 tyngka ka ba ki la buh ia u mawnongrim ba la thoh ba la pyndep ia kane ka jingtrei ha ka 26/3/2019,ka jingioh ia ka kam ban sdang ka long ha ka 7/10/ 2018 hynrei kat haduh kine ki sngi ia kane ka surok dang pyntrei tang kumba 100 meter na ka 600 meter.

Hynrei ha ka jingbishar paidbah ka ba la long ha ka 16/11/2019 bad ha ka jingpynshai paidbah ka ba long ha ka 27/11/2019 na ka liang ka VEC jong ka shnong Mawngaprim ka ba la ialam da u rangbah shnong u bah Ratify Kharbudon ki khlem pynpaw ne kren eiei shaphang kane ka jingpyntrei ia ka CC road bad haba na ka liang ki nongshong shnong ki la buh ka jing kylli ba balei u khlem iakren shaphang kane ka CC road na ka liang une u rangbah shnong u la iathuh ba un sa pynlong jingpynsngew paidbah na ka bynta kane ka CC road kan long ha u snem 2020.

Hynrei hadien ka jingbuddien jong ki nongshongshnong bad ka kong Aitilang lyngba ka RTI ki lap ba ki la ai ia kaiphot ba ia ka jingpynsngewpaidbah ladep pynsngew ha ki paidbah ha ka 22/11/2019 ha ka ba la buh ia ki nongshongshnong ka Mawngaprim ha ka umdum namar ba ki khlem kren eiei ia ka jingpyntrei ia ka CC Road.

Ka kong Aitilang ka lakynnoh ruh ia ka Auditor jong ka Meghalaya Society for Social Audit & Transparency MSSAT ba ka don kti lang ha ka ne ka kam bamsap namar ba ka la iarap ban buhrieh lang ia kane ka kam ba kim pat pyndep ia kane ka surok CCRoad hynrei kala pynmih ia ka kaiphot ba ki la dep ia ka public hearing ba ki la shna ia kane ka surok.

Ka kong Aitilang ka la iathuh ba namar ba na ka liang ka VEC Mawngap ka la dep ban pynpaw ba ki ladep shna ia ka surok CCRoad kala leit ruh ban pan ia ka Utilization Certificate na ka ophis jong ka Block development Officer ha ka ba ka la ioh ia ka UC certificate ba la pynmih da ka BDO jong ka Mawphlang Block ka kong EL Warjri.

Ki la iathuh ruh ba ka don ruh ka jinglum ia ka pisa na ka liang u rangbah shnong na ka bynta ban pyntrei ia ka kali puhshilum ha ka ba ki la lum T1270 kawei ka jopcard ban pynmih ia ka bai trei ka kali puhshilum hynrei na ka liang u rangbah shnong u khlem ai jingkhein ia ka jingioh lum pisa jong u hynrei kat kum ka jing ioh jingtip kalong ba ka bai pyntrei ia ka kali puhshilum ki ladep lum 127 tylli ki jopcard hynrei kat haduh kine ki sngi ruh na ka liang u rangbah shnong u khlem pat siew ia ka bai pyntrei ia kane ka kali puhshilum kat haduh kine ki sngi.

Sa kawei ka skim kaba u la pyntrei ka long halor ka skim Swach Bharat ka ba dei 12 lak tyngka ha kaba u khlem lah ban ai ruh tang ki kyrteng jong ki nongkitkam bad u la shu ai ia ka jingkhein ba ha ki la dep pynlait ia ia ka pisa ka long 4 lak 80hajar ha ka ka 19/12/2018 u la dep sei ia ka pisa ka ba 3 lak 60 hajar kat ba ka jingpyntrei ia ka kam u khlem pyntrei.ha ka ba u la shu jubab ba ki kam baroh la pyniaid da u bah Ratify Kharbudon.