Kynnoh ka Assam, ba kawang bom biang ki Mizo, mynta dang step phyrngab

Ka jing ia kynad hapdeng ka Mizoram bad ka Assam, ka nang jur, katba nang mih kawei pat ka sngi kaba thymmai.

Ki lad khubor na Assam, ki kam ba mynta ka sngi, dang step phyrngab, ka la don biang ka jing kawang bom sha ki jaka jong ka Assam, ha kaba ka la jia, ha ka por dang step phyrngab, mynta ka step.

Ha kawei pat ka khubor, U DGP jong ka Assam, U Bhaskar Jyoti Mahanta, ula kyrpad ia ki bor sorkar jong ka Mizoram, ba kim dei ban ther bom ia riew paidbah lane ia ki skul. “Nga kyrpad ia ki paralok Mizo, ba kim dei ban kawang bom sha ki skul ne ki jaka jong ka Assam” ong U Mahanta.

U Himanta Biswa Sarma, myntri rangbah ka Assam, ula thoh sha U Zoramthanga, myntri rangbah ka Mizoram, ha kaba ula ai jingmut, ban ia pynbeit ia u pud hapdeng kitei ki ar jylla, kaba dei da ka dur jong u satellite, ia ki jaka, kiba dei hok jong kitei ki ar tylli ki jylla.

“Ban poi sha ka jing ia hun lang, ngi dei ban aiti ia u pud u sam ba kin peit ki shipai jong ka sorkar India. Mynta, ngi thaw surok ha ki jaka jong ka Assam bad ngim treh ban shim shi inshi ruh ia ki jaka jong ka Mizoram” ula ong shuh shuh.

Ka jing ia kynad mynta hapdeng ka Assam bad ka Mizoram, ka dei ha ki bynta jong ka Cachar, Hailakandi bad ka Karimganj district jong ka Barak valley.