Kynmaw Indira ka Congress

Shillong, 19 Naiwieng:
Ryngkat bad ka ri baroh kawei ka Megha laya Pradesh Congress Committee ka la kynmaw burom ia ka lyngkhuh sngi kha ba 97, jong ka Indira Gandhi, mynta ka sngi ha Congress Bhavan, Shillong.
Ia ka jingialang la pyniaid da u bah O. S. Myriaw, Vice-President MPCC. U Dr.Mukul Sangma , myntri rangbah u la thang ia u mombati jong ka jingiarakhe bad u la buh syntiew ha ka dur jong ka Indira.
Ha katei ka jingialang la wan ban ia shim bynta da u ki nongtrei party, ki MLA.,MDC, ki nongkitkam ka PCC, DCC bad ki dkhot ka BCC bad kiwei pat ki nongtrei ka seng Congress.
U Dr. Mukul Sangma, haba kren shaphang ka jinglen lade ka Indiara Gandhi u la pynkynmaw ruh ba ka dei ka burom ban kynmaw burom ia ki riewkhraw ka ri kum u Pandit Nehru bad ka Indira.
U bah A. H. Scott Lyngdoh, u la pule ia ka jingthoh shaphang ka jingim bad ka jingnoh synniang ka Indira sha ka ri, bad u bah John F. Kharshiing u la kren shaphang ka jingnoh synniang jong ka sha ka thain shatei lam mihngi.