U Amrish Puri, uba dei uba la ju tip kum u kang, uba i triem tam, ula ak ha ki 200 tylli ki phlim ha bollywood bad U Steven Spielberg, uba dei uwei na ki nongthaw phlim phareng ba khraw nam, u ju sngew tynnad ban ong ia U Puri, ba u dei uwei na ki nongak kang, uba u ju sngew bang bha ban peit.
U Amrish Puri, u dei uba na Punjab bad ula dei ban don mynta 87 snem ka rta bad ha katei ka sngi kha jongu, ha ka 22tarik Jylliew, la kynmaw burom da ka Google Doodle. La kynmaw ieid ia U Puri, haba u ak kum u kang, uba la tip kyrteng ia u, kum U Mogambo ha u snem 1987, ha ka phlim Mr India bad ha kaba la tip ruh ia u, da ka kyrteng “Mogambo khush hua” (U Mogambo u don ha ka jingkmen).
U Amrish Puri, u sdang ha ka kam ak phlim ha u snem 1971, ha ka rta kaba 39 snem, ha kaba u ak ha ka phlim Reshma Aur Shera bad ha shwa jong kata, ula shu ak ha ki kam rit kam ria ha ki jaka ak phlim.
Hadien kata, ula ak ruh ia ka film hollywood, ka film Gandhi, kaba dei ka phlim, ba la ioh khusnam Oscar.
U nongthaw phlim phareng ba khraw nam, U Steven Spielberg, ula phah ak ia U Puri, kum U Mola Ram ha ki phlim Indiana Jones bad Temple of Doom ha u snem 1984, hynrei U Puri, ula kyntait. U Spielberg, u ong “U Amrish, u dei u nongak kang, ba nga ibang than bad u dei uba tbit tam, ba la pynmih ha ka pyrthei bad ba ngin nym iohi shuh ruh hadien jongu”.
La kha ia U Amrish Puri, ha ka 22tarik Jylliew 1932 bad ula khlad noh ha ka 12tarik Kyllalyngkot 2005, na ka jingpang blood cancer. Ki don ar ngut ki hynmen jongu, U Madan Puri bad U Chaman Puri, kiba dei hi ki nongak phlim.
ki khubor jingphi ki pynbyrngia shikatdei eh ianga bad ka pyn fresh ruh ia ki jingmut jingpurkhat khamtam ha ki por bunkam
sa nang lehbha shuh shuh
nga shu kwah ai jingmut kumne
ba lada phin shna noh da ka apps lehse kan nang kham pynbna shuh shuh ia ka jingtreikam jongphi bad ka pynsuk ruh ia kiba bun
storyteller lyndon