Kynmaw burom ia ka Indira

Shillong, 20 Naiwieng:
Ka MPCC ka la kynmaw burom ia ka lyngkhuh sngi kha jong ka myntri rangbah duh barim ka ri ka Indira Gandhi. La lamkhmat ia katei ka jingrakhe da u President ka MPCC u bah D.D Lapang ha ka sngi saitjain jong ka taiew ha Congress Bhawan. U bah Lapang u la ialam sha ka jingthang sharak bad buh syntiew.
Ka Congress kan rakhe ia ka lyngkhuh sngi kha Indira baroh shisnem linter , haba kren ha katei ka sngi u la pynkynmaw ia ka jingim ka Indira naduh ka jingling khynnah jong ka bad kumno ka la ia don bynta ban ha ka jingiakhih laitluid, ka la wan ha ka bor ha u snem 1980 bad u la pynkynmaw ruh kumno ba ka la aiti la ka jingim ban iada ia ka ri na ki nongshun kiba wan ha ka dur jong ka mat Khalistan.
La pyniaid ia katei ka jingialang da u ba James S Lyngdoh, Working President uba la kren ruh ia ka jingpynkhreh ka seng Congress ia katei ka jingrakhe.
Kiwei pat kiba la ai jingkren ki long u bah A.L Hek-MLA-Vice President , Dr.Manash Das Gupta General Secretary MPCC, Richard Marak President Youth Congress, kong Joplin Scott Shylla President Mahila Congress bad kiwei pat.