Kynjrain ki pataka ha Shillong

Shillong, 23 Risaw:
Mynta ka miet kaba dei ruh ka miet ba ki Hindu ki la sdang ia ka jinglehkmen ban rakhe ia ka sngi ba kyrpang jong ki ka Diwali, la iohi ba ka sor Shillong baroh kawei ka la thaba khrek da ki jingpynriam pynbeit bad ki jingpynphyrnai ha ki dukan ki ing ki sem ba ki surok.
Ka khyndailad, Iew Mawlong, Laitumkhrah, Polo, Jhalupara, Mawbah, Laban bad kiwei pat ki jaka ka la pynthaba khrek ia ka sor Shillong, ha kaba la iohi ia ki rong ba bunjait bun rukom kiba mih na ki jingthaba khrik khrik kiba la wah khnang ban pynphuh pynphieng ia ka jingrakhe Diwali.
Dei mynta ruh ka jan miet ba ka jingpynbthei ia ki bom pataka ka la sdang ha kaba ha kylleng ki jaka la ioh sngew ia ki jingbthei jong ki pataka, ryngkat ka pynher ia ki rong jong ki pataqka ba bunjait kiba pynbthei ha suin. Ha Iew Mawlong ki khar Hindu kynthup ki khynnah rit ki la risa kynhoi mynta ka miet ryngkat ka pynbthei pataka kaba ki pynher sha suin.