Tura: U Benedic R Marak, MLA ba mynta jong ka seng NPP, ula shah pynduh tiket noh, na bynta ka elekshon MLA, 2023; hadien ba U Conrad Sangma, myntri rangbah ka jylla bad uba dei u nongialam jong ka seng NPP, ula pynbna mynta ka sngi, ba U Limison D Sangma, un iakhun noh ia ka elekshon MLA, ka ban wan, na ka seng NPP, na ka Raksamgre Constituency. Ia katei la pynbna, da U Sangma, haba u leit jngoh ia ka Tikrikilla bad ka Raksamgre mynta ka sngi.
Ka jing pynduh tiket ia U Benedic Marak, ka dei, na ka daw, ba u ialeh pyrshah ia ki nongialam jong katei ka seng bad ba u kyntait ban hiar shuki kum U Chief Executive Member jong ka GHADC, ha U Kyllalyngkot mynta u snem, wat la, ka la don ka jingbthah jong ki nongialam jong katei ka seng bad katei ka la pynlong, ia ka NPP, ba kan ai da ka jing bym shaniah shuh ha ka iing dorbar jong ka Council, na ka daw, ba U Marak, ula pan jingkyrshan noh na ka All India Trinamool Congress, na ka bynta ban iai bteng ban bat ia ka shuki CEM ha GHADC.
Hynrei U Benedic, ula shah rem, ha ka jing ia tynjuh bor bad ula hap na ka shuki CEM bad ba la jied ia U Rakesh A Sangma, U Chairman jong ka GHADC, ha katei ka por, ba un shimti ia ka shuki CEM jong ka GHADC; hynrei U Rakesh, ula shimti shipor bad hadien kata, ula hap ban hiar shuki noh, na ka jing ia pyrshah jong ki seng bapher bad ba la hap ban jied bujli noh da U Albinush Marak.
Haba kren mynta ka sngi, U Conrad K Sangma, ula ong ba U Limison Sangma, ula jop arsien kynthih, ia ka elekshon MLA na Raksamgre bad u dei u riew sain pyrthei, uba la ih bha bad kumta, un dei u kyrtong jong ka seng NPP, ha ka sien ialeh ka ban wan, ha u snem 2023.
U Benedic Marak, u dei U MLA, uba dang shu jop, ha ka sien nyngkong; tangba ula jop ruh kum U MDC sha Garo District Council, ha ka sien kaba ar, na Raksamgre.
Mad iadur para muid