Kynhied ki MLA Congress ia ki pulit Assam, halor ka ka jingjia Iongkhuli

Nongpoh: Ha ka sngi kaba ki MLA bad MDC Congress, ki la hiar ha Iongkhuli, ka la don ka jingiania kaba jur bha hapdeng ki MLA Congress na Ri Bhoi bad ki Pulit Assam, kata ka la jia namar ba ki MLA Congress, ki la bitar eh halor ka jingwan pynkhyllem ki Pulit Assam ia ki Post Ilektrik ha Iongkhuli.

Tang mar ia poi shnong Iongkhuli, u Bah Mayrald born Syiem bad u Bah George B. Lyngdoh, ki la kynhied ia ki Pulit Assam, halor ka jingwan pynkhyllem jong ki ia ki post Ilektrik bad kiba la pynpaw sha kitei ki Pulit Assam, ba katei ka jingleh jong ki, ka dei ka kam kaba ym lah ban pdiang da lei lei ruh em.

Haba ki kren sha kitei ki Pulit Assam, kitei ki MLA Congress, ki la pynpaw ba ki dei ban burom ia kata ka Status Quo ne ka jingia burom kaba markylliang haba iadei bad ki kam pynroi ha khappud, hynrei ka jingleh da ki Pulit Assam, ka mut ba kim burom bad kiba kwah ban klun lut ia baroh ki shnong Meghalaya bad kiba don ha khappud.