Kynduh U President BJYM ia ka Poonam

Shillong, 09 lyngkot:
U President ka BJYM Meghalaya u Bah Egenstar Kurkalang u la iakynduh ia ka Poonam Mahajan ka MP na Mumbai North Central Parliamentary Constituency dang shen ha New Delhi. Ka Poonam ka dei ruh ka President ka Basketball Federation of India,kaba shimti ia ka kam National president ka Bharatiya Janata Yuva Morcha ka BJP naduh u Anurag Singh Thakur uba ka por jongu ka la kut.
U Bah Kurkalang u la iadon lang ha ka jingialang jong ka All State President BJYM na baroh ki jylla ka India ha ka 04 tarik Kyllalyngkot ha New Delhi.
Ha kawei ka liang, ka BJYM Meghalaya ha ka jingialang kaba la long ha ka 7 tarik Kyllalyngkot 2017 ka la pynpaw ia ka jingsngewkhia jur ia ka jingshah thombor kaba la jia ia ki kynthei khynnah ha ka taiew ba la dep, ia ka la jia ha Shnong Mawryngkneng ha ka 1 tarik Kyllalyngkot 2017 bad kumjuh ia ka jingjia ia ka khynnah Tripuri ha ka Marvelene Inn Laban.
Kumta na ka liang ka BJYM ka pynrem jur ia kine ki jingjia bad ka sorkar ka dei ban pynkhlain bha ka tnat syntiat bad ka bor pahara ban iada ia ki kynthei ha ka jylla bad kumjuh ban pynshitom tyngeh ia kine ki runar bad ki briew ba don kti ha kane ka kam.