Shillong:U MLA ka Ri Bhoi District u bah Mayral Born Syiem, myn hynnin ka sngi u la wan ban ia kynduh ia u myntri ba dei peit ia ka tnad PHE u bah Renikton L Tongkhar ban iakren halor ka skim Jal Jivan Mission.
Haba ia kren bad ki lad pathai khubor u bah Mayral Born u la ong ba mynta ka sngi u la wan ban ia kynduh bad u myntri ba dei peit ia ka tnad PHE ban ia kren halor ka jingpynpoi ia ka um haman ki thliew ing briew ha ki thain Ribhoi District lyngba ka JJM skim.
U la ong ruh ba ka jing sdang jong kane ka central skim ka JJM ka long ban pynpoi um ha man ki shnong ha ki thain nongkyndong ha ka jylla baroh kawei kynthup ia ka ka Ribhoi District.
U la ong ruh ba ha Ri Bhoi District la buh ia ka por ka ban pynpoi um ha man ki thliew ing ka long ha shuwa u bnai Lber 2021 bad mynta ka por ka la duna bha namar ba ka sah sa tang 6 bnai eiei namar ka ne ka daw nga la wan ban ia kynduh khnang ia u ban pynsted ban mang pisa noh sa ia ki shnong ki ba dang sah.
U la iathuh ba ha ka bynta ba nyngkong ki la mang pisa naka bynta ki 68 tylli ki shnong na ka ne 5000 tylli ki tnum ing eiei bad ka jingthmu mynta ki dei ban ioh noh ia ka mang tyngka na ka bynta ka ba ar bad ka bynta ka ba lai.
U la ong ruh ka ne ka jingmang pisa mynta ka dei ban pynioh um ia na ka bynta ki shnong ki ba la biang lupa ha ki shnong bad ka ba ar ka long ban ia pynpoi um na ka bynta kito ki shnong ki ba la duh duh ki tyllong um.
Phi don ban ong eiei?