Kynduh SDO ka KSU bad FKJGP ba ieng khlem akor ki kali

Shillong: Ka KSU South Central East Circle bad ka FKJGP Riwar Mihngi Circle myn hynnin ka sngi ki la kynduh ia u SDO( Civil) ka Pynursla Sub-Division halor ka jingieng kali kulmar ki kali khamtam eh ki trok kit maw ha ki shnong ki thaw bad ha ki surok jong ka NH-40 ka thain Pynursla ter ter.

Na ka liang ka KSU la ialam u samla Ksan Thabah uba long u general secretary katba na ka FKJGP la ialam da u bah Evanfield Khonglam uba long u information secretary ka FKJGP.
Ha kane ka jing iakynduh, u SDO u la kular ban shim khia noh mardor bad ha kajuh ka por, kine ki ar tylli ki seng kin shim ia la ka jong ka lynti.
Ki la maham tyngeh ia kino kino ki kali kiba ieng pathar harud surok khamtam ka jingieng baroh ar liang ka surok kaba khlemakor, kaba la wanrah ka jingthut ka jingeh ia ki kali paidbah.
Kine ki seng ki la maham ruh ba halor ka jingleh khlem akor ki nongñiah kali na ka por sha ka por kum ka jingpynstet ia ki kali, ka jingiadih ia bam khlem akor bad kiwei ki kam khlem akor.
Ka jingieng pathar ki kali ka wanrah ruh ia ki jingmynsaw ba ha rukom ia ki paidbah.