Kynduh RS Mawngap ka KHNAM

Shillong, 8 Naitung:
Ka Khun Hynniew trep National Awakening Movement State Youth Wing, hapoh ka jingialam jong U President ka seng U Bah Thomas Passah ka la leit ban ia kynduh ia ki nongialam shnong jong ka shnong Mawngap mynta ka sngi ban leit ban pyni ia ka ain wad jingtip paidbah, ba ka seng ka la ioh na ka Rajya Sainik Board.
Kat kum kane ka ain wad jngtip, ha ka dkhot ba 24 jong ka jingialang ba 19 ka Rajya Sainik Board Meeting, la kdew ia ka jingthmu ban shna ia ka Air Force Naval Housing Board (AFNHB), ha kaba la ong ba donkam ka jaka haduh 8 ne 10 akar ha New Shillong Township ban pyndep ia kane ka project, bad la bthah ia ki shipai suin ban iakren bad buddien beit bad ki nongsynshar shnong ha ka ban ioh ia katei ka jaka. Ha ka jingia kren bad U Rangbah Shnong jong katei ka thain ka seng ka la pynsngew ia ka jingsngewkhia bad jingpyrshah halor kane ka jingthmu jong ki bor shipai bad na ka liang jong U Rangbah Shnong ruh u la pynpaw ha ki nongialam ka seng, ba kum ka shnong hi kan ym ai lad ia kane.