Kynduh ki MP ka jylla ia ki heh ka NHIDCL

Shillong, 25 Naitung:
Ki MP na Megha laya kynthup u Conrad K Sangma bad u Bah Vincent H Pala nalor u CEM ka KHADC ki la iakynduh ia u Managing Director ka National Highway Infrastructure Development Corporation Limited (NHIDCL) ban iakren ia ki surok kiba iadei bad kane ka jylla.
Ia ka NHIDCL la thaw da ka sorkar NDA  hapoh ka jingialam jong u Narendra Modi ban pynroi bad ban pynsted ia ka jingshna surok ha kane ka thain shatei lammihngi ka India.
Na ka liang u Conrad u la iakren ha kane ka jingialang ia ka surok NH 51 – Tura  sha Dalu kynthup ka Tura By pass.
Ia ka DPR la pyndep bad dang ap ia ka Social Impact Assessment  na u DC bad hadien kane, ka jingtrei kan sa sdang noh shen ha ka jingmang pisa kaba T. 250 klur.
Shuh u Conrad u la kren ruh ia ka NH 62 haduh Dalu lyngba ka Baghmara bad ka Siju ha kaba ka jingpynkreh ia ka DPR ka dang iaid ha ka jingmang pisa kaban long T. 950 klur. La iakren ruh ban pynsted ia ka surok na  Baghmara sha Ranikor lyngba ka Mahadeo bad ka Maheshkola  kaba long 129 km ha ka jingmang pisa kaba T. 1200 klur kaba dang iaid ha ka jingpynkhreh mynta bad ka dang ap ia ka jingbit na ka tnad khlaw shwa ban sdang noh ia ka kam.