Shillong: Ki nongialam jong ka party BJP hapoh ka jingialam jong u president u Bah Shibun Lyngdoh, nalor u Arvind Yadav u secretary ka seng ba dei peit ia ka jylla Meghalaya, ki la iakynduh ia u Dr DD Lapang u myntri rangbah ba rim ka jylla ha iing sah jong u ha ka sngi Thohdieng.
Kane ka jingleit ia kynduh ka long ban ia mir jingmut ba lada lah ban ia treilang hapoh ka party BJP na ka bynta ka roi ka par jong ka jylla baroh kawei. Ha kane ka jingiakynduh kila kit bok ruh ba un ioh ia ka met kaba koit kaba khiah.
Ha kajuh ka por, ki nongialam ka UDP ruh hapoh ka jingialam jong u Bah Bindo M Lanong u Working President, u Dr Jemino Mawthoh bad u bah Donbok Khymdeit kila leit ban iakynduh ia u Dr DD Lapang ban ia kren ia sngewthuh lada ka long ba kin ia treilang na ka bynta ka bha ka miat jong ka jylla baroh kawei. Ha ka juh ka por ki ai ka jingkit bok ban ioh ia ka met kaba koit ba khiah.