Shillong: Ka Khasi Students Union, Khanduli-Umshangiar Unit myn hynnin ka sngi, ka 19tarik Jymmang, 2021 ka leit ban ia kynduh ia u Branch Manager jong ka Meghalaya Rural Bank, Khanduli Branch ban ia kren halor ka jingthut treikam jong katei ka tnad.
Ha katei ka jing ia kynduh ka seng ka la ia kren halor ki jingeh u paidbah jong katei ka thain namar ka jingbym lah jong ka Bank ban pynbiang ia ka Machine update, jingwan slem sha ka jaka trei (Bank) bad ka jingleh sting (tuh por) ha ka por bam sngi. U Branch Manager u kular ban shimkhia ban pynbha bad pynbeit ia ki jingdonkam jong u paidbah.
Ha katei ka jing ia kynduh la synranlang bad ki nongialam jong ka Nartiang Circle kum shi bynta ban kyrshan ia ka Unit.
Phi don ban ong eiei?