Kynduh ka KSU ia U CEM, ban pynkylla kyrteng ia ki jaka ha Shillong

Shillong: Myn hynnin ka sngi dkhot ka Khasi Student Union (KSU) Nongthymmai Circle ki la leit ban dawa na u Chief Executive Member (CEM) ka Khasi Hills Autonomous District Council (KHADC) badei ban pynkylla kyrteng noh ia katto katne ki jaka lane ki shnong bala ai kyrteng haka ktien nongwei.

Ka KSU ka dawa ba dei ban pynkylla kyrteng noh ia ka shnong Happy Valley lane Assam Bazar sha ka shnong Them Basuk, ia ka Motinagar sha ka Lumdiengsoh bad ia ka RR Colony sha ka Them Rynjah.

Ka KSU Nongthymmai Circle ka la pynpaw ba ha ki snem 1989-1990 ka dorbar shnong Madan rting lyngba ka Joint Action Committee (JAC) ka la thoh sha ka Hima Mylliem ban pynkylla kyrteng noh ia kine ki shnong na ka ktien nongwei sha ka ktien Khasi.

Na ka liang ka KSU ka la pynpaw ba na ka liang ki dorbar shnong ki la pynkylla ia ki kyrteng nongwei khamtam ha kaba ia dei bad ka Rynjah bad Motinagar ha u snem 2005, hynrei na ka liang ki ophis treikam ka sorkar jylla bad sorkar pdeng kim sym la mynjur ia ka rai ki dorbar shnong
Ka KSU Nongthymmai Circle ka la kyntu ia ka District Council ban shim khia halor kane bad pynbeit noh ia ka jing pynkylla kyrteng ia ka shnong sha ki kyrteng Khasi.