Kynduh ka FTCCM ia u DC West jaintia

Shillong:Ka Forein trade Chamber of Commerce Meghalaya (FTCCM) ka la leit iakynduh ia u DC West Jaintia hills, mynta ka step ha kamra trei kam jong u ha Jowai, ban kyrpad ban ai lad noh ia ki nongkhaii (Exporter) ba shalan mar sha Bangladesh, lyngba ka Dawki LCS ban pynrung kali sha Bangladesh kumba juh long mynshem snem, namar na duh ba plie biang iaka Border trade ha ka 6 tarik naitung, na ka liang ka ophis SDO civil Amlarem ka pyllait nyngkong 465 tylli ki Truck ban iaid bad ha dien pat ka ai lad ban iaid biang sa 655 tylli ki truck ban iaid, hynrei kane ka buh jingeh ia ki nongkhaii bad bun kim ioh lad ban shalan mar sha Bangladesh, namar ba duna ka number kali ba ai u SDO.

Kumta ka seng ka kyrpad ia u DC ban shah biang kumba juh long ha ki por ba mynshwa, khnang ba baroh ki nongkhaii kin ioh lad ban shalan mar sha Bangladesh bad na ka liang u DC u la ong un ailad biang ba kin iaid biang kumba ki juh iaid ha ki por ba lah dep bad un aiti sha u sdo Civil Amlarem ban pynbeit ia kane. Ka Seng ka la leit kynduh ruh ia u sdo Civil Amlarem ban kyrpad ia u ban shim khia lem ban ailad biang iaki nongkhaii ban pynrung kali kum mynshem snem bad na ka liang u SDO civil Amlarem ruh u la pdiang ia ka jingkyrpad ka Seng bad u ong ha kane ka taiew ban wan u lah ban pynmih hukum, ong ka khubor na U bah Daniel Khongsit, Secretary bad U bah Richard Pohlong, President FTCCM.