Kynduh ka FKJGP-JH ia u ma Vincent

Jowai, 19 Nailar:
Mynta ka sngi, ka seng FKJGP-JH hapoh ka jingialam u President jong ka u ma Tuesday Lytep ka la ia kynduh ia u ma Vincent H Pala halor ka jingduh tulop ki katto katne ki nongtrei ka Health Department hapoh ka MCH&FW.
Na ka liang ka FKJGP-JH ka la dep ruh ban ia kynduh ia u u DM&HO Jaiñtia Hills, u Director of Health & Services bad U Myntri ka koit ka khiah u Bah A.L. Hek ha kine ki bnai ba la dep hynrei ka sorkar jylla ka la sngap jar jar khlem leh eiei.
Na ka liang ka seng kala ai por haduh ban da kut jong une u bnai August ban pyllait noh mardor iaka ka tulop jong ki nongtrei jong ka MCH&FW.
Ka FKJGP kam shym la pynpaw satia ia kaei ka jingiakren bad u MP bad kaei kaba u MP u Kular ia ki dkhot bad nongialam ka seng ha kaba iadei bad ka tulop jong kitei ki nongtrei ka tnad, hynrei, ka seng ka la kyntu ia u MP ban shimkhia ia ka jingeh jong kitei ki nongtrei ka tnad kiba kynthup ia U Additional District Medical Health Officer, ki UDA, Statistical Investigator, ki LDA, Block Extension Educator, Refrigerator Mechanic, Chowkidar, ki Peon, ki Driver, Statistical Assistant , Projectionist, ki Lady Health Visitor (LHV), ki Auxiliary Nursing Midwifery (ANM) bad ka Public Health Nurse (PHN).
Baroh ki don haduh 168 ngut bad ki shym la ioh tulop satia naduh u bnai Lber une u snem.