Kynduh Director ka HYC, na u Aadhaar

Shillong, 4 Nailar:
Ka Hynniewtrep Youth Council (HYC) ka la leit ban ia kynduh ia u Director ka tnad Higher and Technical Education ka sorkar jylla u Ram Singh ban dawa ba u de an weng noh mardor ia ka jingpynbna ka sorkar kaba la ong ba ki khynnah skul ki donkam ban don ia u Aadhaar nombar ban ioh ia ka baibam jong ki.
Hadien katei ka jingiakynduh bad u Director u General Secretary ka HYC u bah Robertjune Kharjahrin u la ong ba u Director u la kular ba un sa ia kren bad ka sorkar jylla halor katei ka bynta. Utei u nongialam ka HYC u la ong ruh ba katei ka seng kan leit ban ia kynduh ia u myntri ka tnad GAD u bah HDR Lyngdoh ban dawa ba un pynshai ha kaba ia dei bad ka kam Aadhaar.